14:50  ,  23 հունվարի, 2025

AusOpen․ Արինա Սաբալենկան եզրափակիչում է

Աշխարհի առաջին ռակետ Արինա Սաբալենկան դուրս եկավ Մելբուրնում անցկացվող թենիսի Ավստրալիայի բաց առաջնության եզրափակիչ։

Բելառուսի ներկայացուցիչը 6:4, 6:2 հաշվով պարտության մատնեց աշխարհի 12-րդ ռակետ, իսպանացի Պաուլա Բադոսային։ Մրցախաղը տեւեց 1 ժամ եւ 26 րոպե։

Արինա Սաբալենկան երրորդ տարին անընդմեջ դուրս եկավ AusOpen-ի եզրափակիչ։ Նախորդ երկուսում նա նվաճել է տիտղոսը։

Եզրափակիչում Արինա Սաբալենկայի մրցակիցը կլինի աշխարհի երկրորդ ռակետ, լեհ Իգա Շվյոնտեկի եւ աշխարհի 14-րդ ռակետ, ամերիկացի Մեդիսոն Քիզի դիմակայության հաղթողը։

AusOpen-ի մրցանակային հիմնադրամը 59,7 միլիոն դոլար է։

Հետևեք NEWS.am SPORT-ին Facebook-ում, Twitter և Telegram-ում

Print  

  • Related News