14:44  ,  21 հունվարի, 2025

AusOpen. Աշխարհի առաջին ռակետ Արինա Սաբալենկան կիսաեզրափակիչում է

Աշխարհի առաջին ռակետ, Բելառուսի ներկայացուցիչ Արինա Սաբալենկան դուրս եկավ Մելբուրնում անցկացվող Ավստրալիայի բաց առաջնության կիսաեզրափակիչ։

Անցած տարի այս մրցաշարի տիտղոսը նվաճած Արինա Սաբալենկան քառորդ եզրափակիչում 6:2, 2:6, 6:3 հաշվով պարտության մատնեց աշխարհի 32-րդ ռակետ, ռուսաստանցի Անաստասիա Պավլյուչենկովային։ Մրցախաղը տեւեց 1 ժամ եւ 55 րոպե։

Արինա Սաբալենկայի հաջորդ մրցակիցը կլինի աշխարհի 12-րդ ռակետ, իսպանացի Պաուլա Բադոսան, որը 7:5, 6:4 հաշվով հաղթեց աշխարհի երրորդ ռակետ, ամերիկացի Կորի Գաուֆին։

AusOpen-ի մրցանակային հիմնադրամը 59,7 միլիոն դոլար է։

Հետևեք NEWS.am SPORT-ին Facebook-ում, Twitter և Telegram-ում

Print  

  • Related News