Յուրա Մովսիսյանը հետաքրքրել է «Սպարտակին»

Հայաստանի ազգային հավաքականի եւ ռուսական «Կրասնոդարի հարձակվող Յուրա Մովսիսյանը հայտնվել է Մոսկվայի «Սպարտակի» հետաքրքրության ոլորտում։

«Советский Спорт»-ը գրում է, որ Մոսկվայի թիմը ցանկանում է ձեռք բերել Մովսիսյանին, սակայն եթե «Կրասնոդարը» մեծ գումարներ պահանջի, Ռուսաստանի 9-ակի չեմպիոնը կհրաժարվի իրականացնել 25-ամյա ռմբարկուի տրանսֆերը։

Ռուսաստանի նախորդ առաջնությունում Մովսիսյանը մասնակցել է 37 խաղի՝ խփելով 15 գնդակ, իսկ այս տարի 13 խաղում դարձել է 9 գոլի հեղինակ։ Նա 2011-ին դանիական «Ռանդերսից» տեղափոխվել «Կրասնոդար»։

Ավելի վաղ ռուսական լրատվամիջոցներում լուրեր էին շրջանառվում, որ Հայաստանի ազգային հավաքականի հարձակվողի ծառայություններով հետաքրքրված է նաեւ Մոսկվայի ԲԿՄԱ-ն։

Հետևեք NEWS.am SPORT-ին Facebook-ում, Twitter և Telegram-ում