Կլինեմ անկեղծ. մրցակցությունը շատ մեծ էր: Այդ պահին այդքանի էի պատրաստ մասնակցել: Գոհ եմ Օլիմպիական խաղերում կատարածս աշխատանքից, քանի որ մարզիչներս են գոհ:
Այս մասին լրագրողների հետ զրույցում «Զվարթնոցում» ասաց Եվրոպայի կրկնակի փոխչեմպիոն, աշխարհի գավաթակիր, Եվրոպական խաղերի փոխչեմպիոն, Փարիզի Օլիմպիական խաղերի մասնակից Վահագն Դավթյանը:
Օղակների վարժությունում Հայաստանի առաջատար մարմնամարզիկը օգստոսի 6-ին օլիմպիական փոխչեմպիոն Արթուր Դավթյանի եւ Հայաստանի թիմի հետ Փարիզից վերադարձավ հայրենիք:
«Եզրափակիչում ավելի լավ հանդես եկա, ավելի որակով վարժությունս կատարեցի: Կլինեմ անկեղծ. մրցակցությունը շատ մեծ էր: Այդ պահին այդքանի էի պատրաստ մասնակցել: Միանշանակ կասեմ, որ մրցակիցներս շատ ուժեղ էին: Ես ավելի շատ պարտվեցի իմ վարժության պակաս բարդությունով, քան թույլ տված սխալների վերջնական արդյունքով:
Գոհ եմ Օլիմպիական խաղերում կատարածս աշխատանքից: Մարզիչներս եւս գոհ են իմ մրցելույթներից, ինչը թույլ է տալիս, որ ես էլ դրական գնահատեմ իմ աշխատանքը: Այս մրցումներում ուղղակի այսքանը ստացվեց: Անթերի չէր, միշտ կան թերություններ, միշտ կա աշխատելու տեղ: Եթե ինչ-որ մի բան չի բավականացրել, ուրեմն հաջորդ մրցաշարերի համար պետք է ավելացնել ու ձգտել ավելի բարձր արդյունքի:
Չեմ կարող ասել, թե հաջորդ Օլիմպիական խաղերում կլինեմ, թե ոչ: Այս պահին առաջնահերթությունը կտամ վնասվածքս բուժելուն: Փարիզում մասնակցում էի ուսի վնասվածքով»,- ասաց Վահագն Դավթյանը:
Փարիզ-2024-ի սպորտային մարմնամարզության օղակների վարժության եզրափակիչում Վահագն Դավթյանը զբաղեցրեց 6-րդ տեղը:
Լուսինե Շահբազյան
Հետևեք NEWS.am SPORT-ին Facebook-ում, Twitter և Telegram-ում
00:19 , 10 նոյեմբերի 
23:42 , 9 նոյեմբերի 
22:10 , 9 նոյեմբերի 
21:19 , 9 նոյեմբերի 
21:06 , 9 նոյեմբերի 
20:57 , 9 նոյեմբերի 
20:32 , 9 նոյեմբերի 
20:05 , 9 նոյեմբերի 
19:03 , 9 նոյեմբերի 
18:27 , 9 նոյեմբերի 
