09:02  ,  23 մայիսի, 2024

Լուկմանը 49 տարում առաջինը հեթ-տրիկի հեղինակ դարձավ Եվրոպայի լիգայի եզրափակիչում

Եվրոպայի լիգայի գավաթը նվաճած «Ատալանտայի» նիգերիացի հարձակվող Ադեմոլա Լուկմանը դարձավ Եվրոպայի լիգայի (նախկին ՈւԵՖԱ-ի գավաթ) եզրափակիչում երեք գոլ խփած առաջին ֆուտբոլիստը 49 տարում, հաղորդում է Gracenote Live-ը։

Գերմանիայի նորընծա չեմպիոն Լեւերկուզենի «Բայերի» դեմ խաղում Լուկմանն աչքի է ընկել 12-րդ, 26-րդ եւ 75-րդ րոպեներին։

1975թ․ ՈւԵՖԱ-ի գավաթի խաղարկության եզրափակիչի պատասխան խաղում հեթ-տրիկի հեղինակ է դարձել նաեւ Մյոնխենգլադբախի «Բորուսիայի» գերմանացի հարձակվող, աշխարհի ու Եվրոպայի չեմպիոն Յուպ Հայնկեսը։ Գերմանական թիմը 5:1 հաշվով հաղթել է հոլանդական «Տվենտեին»։

Հետևեք NEWS.am SPORT-ին Facebook-ում, Twitter և Telegram-ում

Տպել    |  In English

  • Լրահոս