Եվրոպայի եւ Կոնֆերենցիաների լիգաների եզրափակիչների մրցավարները

ՈւԵՖԱ-ն ներկայացրել է ֆուտբոլի Եվրոպայի եւ Կոնֆերենցիաների լիգաների եզրափակիչների մրցավարներին։

Եվրոպայի լիգայի «Ատալանտա» (Իտալիա) - «Բայեր» (Գերմանիա) եզրափակիչի գլխավոր մրցավարը կլինի ռումինացի Իշտվան Կովաչը։

Նրան կօգնեն ռումինացիներ Վասիլե Մարինեսկուն եւ Միխայ Արտենեն։ Չորրորդ մրցավարն է սլովակ Իվան Կրուժլյակը։

Եվրոպայի լիգայի եզրափակիչը տեղի կունենա մայիսի 22-ին Դուբլինում։

Պորտուգալացի Արթուր Սոարեշ Դիաշը կլինի Կոնֆերենցիաների լիգայի «Օլիմպիակոս» (Հունաստան) - «Ֆիորենտինա» (Իտալիա) եզրափակիչի գլխավոր մրցավարը։ Նրան կօգնեն պորտուգալացիներ Պաուլու Սոարեշն ու Պեդրու Ռիբեյրուն։ Չորրորդ մրցավարն է շվեդ Գլեն Նյուբերգը։

Կոնֆերենցիաների լիգայի եզրափակիչը տեղի կունենա մայիսի 29-ին Աթենքում։

Հետևեք NEWS.am SPORT-ին Facebook-ում, Twitter և Telegram-ում