ՉԼ․ Խոսելուի դուբլի շնորհիվ «Ռեալը» դուրս եկավ եզրափակիչ (տեսանյութ)

Ֆուտբոլի եվրոպական Չեմպիոնների լիգայի կիսաեզրափակիչի պատասխան խաղում Իսպանիայի նորընծա չեմպիոն Մադրիդի «Ռեալն» ընդունեց Մյունխենի «Բավարիային» եւ կամային հաղթանակ տարավ 2:1 հաշվով։

Իտալացի Կառլո Անչելոտիի գլխավորած թիմը դուրս եկավ եզրափակիչ։

Առաջին խաղակեսում թիմերը գոլ չխփեցին։

8 գոլային հնարավորություն ունեցավ «Ռեալը», 2 գոլային հնարավորություն՝ «Բավարիան»։

Թիմերը 2-ական հարված կատարեցին դարպասին առաջին խաղակեսում։ Արքայական թիմի ուկրաինացի դարպասապահ Անդրեյ Լունինը եւ  «Բավարիայի» գերմանացի դարպասապահ Մանուել Նոյերը երկուական սեյվ կատարեցին։

13-րդ րոպեին Նոյերի սեյվից հետո գնդակը անդրադարձավ ուղղահայաց դարպասաձողից (տեսանյութ)։

68-րդ րոպեին «Բավարիայի» անգլիացի հարձակվող Հարի Քեյնի փոխանցումից հետո ուկրաինացի Անդրեյ Լունինի պաշտպանած դարպասը գրավեց կանադացի պաշտպան Ալֆոնսո Դեւիսը (տեսանյութ)։

What a moment for Alphonso Davies  pic.twitter.com/7xGfZHRkab

— B/R Football (@brfootball) May 8, 2024

88-րդ րոպեին պատասխան գոլը խփեց իսպանացի հարձակվող Խոսելուն (տեսանյութ)։ Բրազիլացի հարձակվող Վինիսիուս Ժունիորի հզոր հարվածից հետո Մանուել Նոյերը չկարողացավ ֆիքսել գնդակը եւ Խոսելուն հարվածեց գնդակին։

Ավելացված երկրորդ րոպեին Խոսելուն խփեց նաեւ հաղթական գոլը (տեսանյութ)։ VAR-ի կիրառումից հետո նրա խփած գոլը գրանցվեց։

When the goal was given pic.twitter.com/UmQxvZWhJo

— B/R Football (@brfootball) May 8, 2024

Առաջին խաղում գրանցվել էր ոչ ոքի՝ 2:2:

Եզրափակիչում «Ռեալի» մրցակիցը կլինի Դորտմունդի «Բորուսիան», որը պայքարից դուրս էր թողել Ֆրանսիայի չեմպիոն ՊՍԺ-ին։

Եզրափակիչը տեղի կունենա հունիսի 1-ին Լոնդոնի «Ուեմբլի» ստադիոնում։

Չեմպիոնների լիգա, կիսաեզրափակիչ, պատասխան հանդիպում

«Ռեալ» (Իսպանիա) - «Բավարիա» (Գերմանիա)` 2:1

Խոսելու, 88, 90+2 - Ալֆոնսո Դեւիս, 68

 ¡ESTAMOS EN LA FINAL! 
@RealMadrid 2-1 @FCBayernES
 88' @JoseluMato9
 90'+2' @JoseluMato9#UCL | #APorLa15 pic.twitter.com/FjACXiKuNr

— Real Madrid C.F. (@realmadrid) May 8, 2024

The 2023/24 #UCLfinal...

Dortmund Real Madrid pic.twitter.com/IdSewiXdIn

— UEFA Champions League (@ChampionsLeague) May 8, 2024

Հետևեք NEWS.am SPORT-ին Facebook-ում, Twitter և Telegram-ում