Ֆրանսիայի նորընծա չեմպիոն ՊՍԺ-ի ղեկավարությունը մտադիր է երկարաձգել պայմանագիրը թիմի գլխավոր մարզիչ Լուիս Էնրիկեի հետ, հաղորդում է ֆրանսիական L'Équipe-ը։
53-ամյա իսպանացի մասնագետի պայմանագիրը նախատեսված է մինչեւ 2025թ․ հունիս։
25-ամյա ֆրանսիացի հարձակվող Կիլիան Մբապեի հեռանալուց հետո ՊՍԺ-ն ցանկանում է Լուիս Էնրիկեի հետ սկսել երկարաժամկետ նախագիծ, որը կառուցված չի լինի մեկ խաղացողի շուրջ։
ՊՍԺ-ն ժամանակից շուտ նվաճել է Ֆրանսիայի չեմպիոնի տիտղոսը, Չեմպիոնների լիգայի կիսաեզրափակիչում կմրցի Դորտմունդի «Բորուսիայի» հետ, Ֆրանսիայի գավաթի խաղարկության եզրափակիչում՝ «Լիոնի» հետ։
Հետևեք NEWS.am SPORT-ին Facebook-ում, Twitter և Telegram-ում