Լիանա Գյուրջյանը չորրորդն է Բուլղարիայի մայրաքաղաք Սոֆիայում անցկացվող ծանրամարտի Եվրոպայի առաջնությունում: Եվրոպայի բրոնզե մեդալակիրը երկամարտում գրանցեց 220 կգ արդյունք (95+125):
Առաջին մոտեցմամբ նա պոկեց 95 կգ: Երկրորդ մոտեցմամբ ձախողեց 98 կգ: Երրորդ փորձով էլ ձախողեց 98 կգ-ն: Այս վարժությունում պայքարն ավարտեց 6-րդ տեղով:
Պոկում վաժությունում Լիանա Գյուրջյանը պայքարը սկսեց 125 կգ-ով, բայց չկարողացավ բարձրացնել: Երկրորդ փորձից հաջողությամբ ֆիքսեց 125 կգ-ն: Երրորդ մոտեցման համար Արտաշես Ներսիսյանը պատվիրեց 129 կգ: Գյուրջյանը չկարողացավ հրել, ծանրաձողը հրելիս ուժասպառ եղավ եւ ընկավ: Պոկում վարժություն 125 կգ-ով նա 4-րդն է:
Եվրոպայի չեմպիոնի կոչումը նվաճեց լեհ Վերոնիկա Զելինսկան (235 կգ, 103+132), արծաթե մեդալակիր՝ մոլդովացի Ելենա Երիգինա (234 կգ, 103+131) Բրոնզե մեդալակիր՝ թուրք Դիլարա Նարին (222 կգ, 97+125):
Քիչ անց կմեկնարկի տղամարդկանց 96 կգ քաշայինների պայքարը: Հայաստանի հավաքականից մրցահարթակ դուրս կգան Դավիթ Հովհաննիսյանը եւ Հակոբ Մկրտչյանը:
Հետևեք NEWS.am SPORT-ին Facebook-ում, Twitter և Telegram-ում