Ռեշֆորդը շնորհակալություն է հայտնել Ռոնալդուին

Անգլիական «Մանչեսթեր Յունայթեդի» անգլիացի հարձակվող Մարկուս Ռեշֆորդը մեկնաբանել է պորտուգալացի հարձակվողը Կրիշտիանու Ռոնալդուի հեռանալը մանչեսթերյան ակումբից եւ շնորհակալություն հայտնել նրան։

«Ռոնալդուի հետ խաղալն անմոռանալի փորձ էր։ Նա իմ կուռքերից մեկն է։ Նրանից օրինակ եմ վերցրել։ Ռոնալդուին մաղթում եմ ամենալավը հետագա կարիերայում։ Ցանկանում ենք շնորհակալություն հայտնել նրան «Մանչեսթեր Յունայթեդի» համար արած ամեն ինչի համար»,- Ռեշֆորդի խոսքը մեջբերում է ESPN-ը։

Ռոնալդուի պայմանագիրը «Մանչեսթեր Յունայթեդի» հետ նախատեսված էր մինչեւ այս մրցաշրջանի ավարտը, սակայն անգլիական թիմի հոլանդացի գլխավոր մարզիչ Էրիկ տեն Հագի հետ լարված հարաբերությունների պատճառով Ռոնալդուն եւ ակումբը երկկողմանի համաձայնությամբ խզեցին պայմանագիրը նոյեմբերի 22-ին։ Ռոնալդուն այժմ ունի ազատ գործակալի կարգավիճակ։

Հետևեք NEWS.am SPORT-ին Facebook-ում, Twitter և Telegram-ում