Ամերիկյան «Դալլաս Մավերիքսի» սլովենացի խաղարկող Լուկա Դոնչիչը կրկնել է լեգենդար ամերիկացի բասկետբոլիստ Մայքլ Ջորդանի նվաճումը (1986-ին)՝ Բասկետբոլի ազգային ասոցիացիայի կանոնավոր առաջնության մրցաշրջանի առաջին վեց հանդիպումներում վաստակելով առնվազն 30 միավոր։
«Օռլանդո Մեջիքի» դեմ խաղում 23-ամյա Դոնչիչը վաստակել է 44 միավոր։ «Դալլաս Մավերիքսը» հաղթել է 114:105 հաշվով։
Նախորդ հինգ հանդիպումներում Դոնչիչը հավաքել էր 35, 32, 37, 41 եւ 31 միավոր համապատասխանաբար։
Հետևեք NEWS.am SPORT-ին Facebook-ում, Twitter և Telegram-ում