Ալբանիայի Դյուրես քաղաքում ընթացող ծանրամարտի Եվրոպայի մինչև 20 տարեկանների առաջնությունում Հայաստանի ներկայացուցիչ Գոռ Սահակյանը նվաճել է չեմպիոնի տիտղոսը: 67 կգ քաշային կարգում Հայաստանի ներկայացուցիչը երկամարտում գրանցել է 301 կգ:
Պոկում վարժությունը Սահակյանը սկսեց 134 կգ-ով, որը կարողացավ բարձրացնել միայն երկրորդ մոտեցմամբ: Այս վարժությունում երրորդ մոտեցման համար պատվիրված 138 կգ-ը ձախողեց եւ փոքր արծաթե մեդալի:
Հրում վարժությունում բարձրացրեց նախ՝ 161 կգ, ապա՝ 167 կգ: Երրորդ մոտեցման 172 կգ-ը ձախողեց: Այս վարժությունում էլ նվաճեց փոքր արծաթե մեդալ:
67 կգ քաշայիններ մեդալային պայքարը գնում էր Գոռ Սահակյանի եւ երկու թուրք ծանրորդների միջեւ: Չնայած առանձին վարժություններում թուրք ծանրորդները շրջանցեցին Գոռին, բայց երկամարտում հայ ծանրորդը 3 կգ-ով շրջանցեց մրցակիցներին:
Այս քաշային կարգում արծաթե մեդալակիր դարձավ Յուսուֆ Ֆեհմի Գենչ (298 կգ, 131+167) եւ Կաան Կահրիմանը (293 կգ, 137+156):
Մինչեւ 20 տարեկանների պայքարում ավելի վաղ Հայաստանի համար բրոնզե մեդալ էր նվաճել 61 կգ Ռաֆիկ Մինասյանը: Նա երկամարտում գրանցել էր 256 կգ արդյունքով (116+140):
Մրցումային առաջին օրը մրցարթակ դուրս եկած Հայաստանի երկու ներկայացուցիչները մեդալ չեն նվաճել:
2022 թվականի երիտասարդների աշխարհի չեմպիոն Գառնիկ Չոլակյանը 55 կգ քաշայինների պայքարում զրո է ստացել: Նույն քաշային կարգում Հայաստանի երկրորդ ներկայացուցիչ Սեյրան Խուդանյանը 217 կգ արդյունքով պայքարն ավարտել է 6-րդ տեղում:
Հետևեք NEWS.am SPORT-ին Facebook-ում, Twitter և Telegram-ում
14:03 , 26 ապրիլի 
13:45 , 26 ապրիլի 
12:22 , 26 ապրիլի 
11:14 , 26 ապրիլի 
10:56 , 26 ապրիլի 
10:05 , 26 ապրիլի 
09:41 , 26 ապրիլի 
09:04 , 26 ապրիլի 
01:10 , 26 ապրիլի 
00:57 , 26 ապրիլի 
