Բասկետբոլի Ադրիատիկ լիգայի «Բուդուչնոստ» (Չեռնոգորիա) - «Պարտիզան» (Սերբիա) (62:81) հանդիպման ժամանակ տեղի են ունեցել թիմերի երկրպագուների բախումներ:
«Պարտիզանի» ֆանատները վիրավորական վանկարկումներով են դիմավորել մրցակից թիմի երկրպագուներին` սադրելով չեռնոգորիացի մարզասերներին: Ֆանատները ներխուժել են խաղահրապարակ: Ոստիկանության միջամտությունից հետո ֆանատների մի մասը հեռացվել է մարզադահլիճից: Անկարգությունները շարունակվել են հարակից փողոցներում:
16 մարդ վիրավորվել է: Տուժածների մեջ կան նաեւ ոստիկաններ եւ կանայք: Հինգ մարդ ձերբակալվել է, հաղորդում է vijesti.me-ն:
Հետևեք NEWS.am SPORT-ին Facebook-ում, Twitter և Telegram-ում