14:20  ,  16 օգոստոսի, 2022

Ալեգրի․ Հնարավոր է՝ պետք է Դի Մարիային փոխարինեի 3:0-ից հետո, բայց նա վայելում էր խաղը

Թուրինի «Յուվենտուսի» իտալացի գլխավոր մարզիչ Մասիմիլիանո Ալեգրին Իտալիայի առաջնության մեկնարկային տուրում «Սասուոլոյի» նկատմամբ 3:0 հաշվով հաղթանակից խոսել է թիմի արգենտինացի կիսապաշտպան Անխել Դի Մարիայի առողջական վիճակի մասին։ Այդ խաղում գոլի եւ գոլային փոխանցման հեղինակ դարձած ֆուտբոլիստը մկանային վնասվածք է ստացել։

«Տեսնենք, թե ինչ ցույց կտա բուժզննումը, բայց ես չեմ անհանգստանում։ Ցավոք, այդպիսի բաներ տեղի են ունենում ֆուտբոլում։ Անցած շաբաթ նա մկանային խնդիր ուներ։ Հնարավոր է՝ ես պետք է Դի Մարիային փոխարինեի 3:0-ից հետո, բայց նա վայելում էր խաղը։

Կարեւոր է, որ մենք հաղթեցինք այս խաղում, քանի որ շատ կարեւոր էր։ Հեշտ չտրվեց հաղթանակը»,- Ալեգրիի խոսքը մեջբերում է DAZN-ը։

Իտալիայի առաջնության երկրորդ տուրում «Յուվենտուսը» օգոստոսի 22-ին կհյուրընկալվի «Սամպդորիային»։

Հետևեք NEWS.am SPORT-ին Facebook-ում, Twitter և Telegram-ում


  • Լրահոս
  • Հարցում
Քվեարկել են (13)
  • Ֆեյսբուք
  • NEWS.am Sport Exclusive
  • Արխիվ