Ֆուտբոլի Բուլղարիայի հավաքականի երկրպագուները ռասիստական արտահայտություններ են արել Դանիայի ազգային թիմի եւ «Նորշելանդ» ակումբի պաշտպան Պատրիկ Մտիլիգայի հասցեին: Միջադեպը տեղի է ունեցել 2014թ. աշխարհի առաջնության ընտրական փուլի երրորդ տուրի՝ Բուլղարիա – Դանիա (1:1) խաղի ժամանակ, հաղորում է France Football-ը:
Դանիայի ֆուտբոլի ֆեդերացիայի նախագահ Լարս Բերենդը հայտարարել է, որ իրենք պատրաստվում են բողոք ներկայացնել ՖԻՖԱ:
«Մենք երբեք չենք հանդուրժի բուլղարացի երկրպագուների ծաղրական վարքը: Մենք գիտենք, որ մրցավարն ու նրա օգնականներն ամեն ինչ լսել են, այդ իսկ պատճառով սպասում ենք ՖԻՖԱ-ի արձագանքին»,- նշել է Լարս Բերենդը:
Հիշեցնենք, որ աշխարհի առաջնության ընտրական մրցաշարի երկրորդ տուրի՝ Բուլղարիա – Հայաստան (1:0) խաղի ժամանակ բուլղարացի ֆանատները հայ ֆուտբոլիստների հասցեին վանկարկել էին՝ «ցիգանի, ցիգանի» (գնչուներ): Ավելի վաղ Բուլղարիայի ֆուտբոլի ֆեդերացիան տուգանվել էր 40 հազար եվրո Անգլիայի հավաքականի հետ խաղում երկրպագուների կողմից արված ռասիստական արտահայտությունների համար:
Հետևեք NEWS.am SPORT-ին Facebook-ում, Twitter և Telegram-ում
23:48 , 26 հունիսի 
23:21 , 26 հունիսի 
23:08 , 26 հունիսի 
22:39 , 26 հունիսի 
22:24 , 26 հունիսի 
22:19 , 26 հունիսի 
21:58 , 26 հունիսի 
21:48 , 26 հունիսի 
21:33 , 26 հունիսի 
21:22 , 26 հունիսի 
