17:02  ,  25 մարտի, 2022

Լիլիթ Մկրտչյանը՝ Եվրոպայի չեմպիոն, Արուսյակ Գրիգորյանը՝ փոխչեմպիոն

Հրաձիգ Լիլիթ Մկրտչյանը նվաճել է Նորվեգիայի Համար քաղաքում ընթացող գնդակային հրաձգության (10 մետրից) Եվրոպայի առաջնության ոսկե մեդալը, հաղորդում է ԿԳՄՍ-ի կայքը:

Երևանի հրաձգության մանկապատանեկան մարզադպրոցի ներկայացուցիչը վազող թիրախ մրցաձևի 10 մ վազող թիրախ, նորմալ վազք՝ 30+30 կրակոց կանանց պայքարում, խոցել է 561 միավոր եւ դարձել չեմպիոն:

Նույն վարժությունում Գյումրիի մարզադպրոցի մարզուհի Արուսյակ Գրիգորյանը, խոցելով 557 միավոր, դարձել է փոխչեմպիոն։

Եվրոպայի գնդակային հրաձգության առաջնությունը կավարտվի մարտի 29-ին:

Հետևեք NEWS.am SPORT-ին Facebook-ում, Twitter և Telegram-ում