Դուբայում անցկացվող շախմատի աշխարհի չեմպիոնական մրցամարտում տեղի ունեցավ չորրորդ պարտիան։
Աշխարհի չեմպիոն, նորվեգացի Մագնուս Կարլսենը (2855) ծննդյան 31-րդ տարեդարձի օրը դարձյալ ոչ ոքի խաղաց տիտղոսի հավակնորդ, 31-ամյա ռուսաստանցի Յան Նեպոմնյաշչու (2782) հետ։ Սպիտակ ֆիգուրներով հանդես եկավ չեմպիոնը։ Կողմերը կատարեցին 33 քայլ։
Առաջին երեք պարտիաներում եւս գրանցվել էր ոչ ոքի։
2013-ին աշխարհի չեմպիոնի կոչումը հնդիկ Վիշի Անանդի դեմ մրցամարտում նվաճած Մագնուս Կարլսենը չորրորդ անգամ է պաշտպանում տիտղոսը։
Մինչեւ դեկտեմբերի 14-ը կանցկացվի 14 դասական պարտիա։ Հավասար հաշվի դեպքում դեկտեմբերի 15-ին կանցկացվի արագ շախմատի 4 պարտիա։ Հավասարության դեպքում կանցկացվի կայծակնային խաղի 2 պարտիա։ Դարձյալ հաղթողին չպարզելու դեպքում, կայծակնային խաղի պարտիաները կլինեն 5-ը։ Եթե դրանից հետո էլ գրանցվի ոչ ոքի, կնշանակվի «արմագեդոն» պարտիա։ Ոչ ոքիի դեպքում, հաղթող կչանաչվի սեւ ֆիգուրներով հանդես եկած շախմատիստը։
Հաղթողը կստանա 1,2 միլիոն եվրո (թայ-բրեյքում՝ 1,1 միլիոն), պարտվողը՝ 800 հազար եվրո (թայ-բրեյքում՝ 900 հազար)։
Բոլոր պարտիաները Երեւանի ժամանակով 16։30-ին են։
While birthday boy Magnus is still playing, his father Henrik is the one to receive a cake from us. Will he leave a piece for @MagnusCarlsen? #CarlsenNepo pic.twitter.com/d0fLUHM62X
— International Chess Federation (@FIDE_chess) November 30, 2021
That gaze.
— International Chess Federation (@FIDE_chess) November 30, 2021
by @IM_Rosen #CarlsenNepo pic.twitter.com/yf7iqdtJJA
Հետևեք NEWS.am SPORT-ին Facebook-ում, Twitter և Telegram-ում