12:08  ,  11 օգոստոսի, 2021

Հունահռոմեական ըմբշամարտի Հայաստանի հավաքականի մարզիչներն ամփոփում են Տոկիո-2020-ը (ուղիղ)

Հունահռոմեական ոճի ըմբշամարտի Հայաստանի հավաքականի մարզիչներ Էդուարդ Սահակյանն ու Գևորգ Ալեքսանյանը լրագորղների հետ հանդիպմանն ամփոփում են Ճապոնիայի մայրաքաղաք Տոկիոյում ավարտված 32-րդ ամառային Օլիմպիական խաղերը: Տոկիո-2020-ի ըմբշամարտի մրցաշարում Հայաստանն ուներ 4 հունահռոմեական ոճի ըմբիշ և նվաճեց մեկ արծաթե մեդալ:

Հայաստանի ներկայացուցիչներից երկրորդ տեղը գրավել էր Արթուր Ալեքսանյանը (97 կգ), որն օլիմպիական ոսկե ու բրոնզե մեդալներին գումարեց նաև արծաթե մեդալ: 

Մեդալ նվաճելուն մոտ էր նաև հունահռոմեական ոճի մեկ այլ ըմբիշ Կարապետ Չալյանը (77 կգ), որը պարտություն էր կրել բրոնզե մեդալի համար գոտեմարտում: Արմեն Մելիքյանը (60 կգ) և Կարեն Ասլանյանը (67 կգ) հաղթանակով մեկնարկելուց հետո պարտություն էին կրել քառորդ եզրափակիչում ու լքել պայքարը:

Տոկիո-2020-ի ազատ ոճի ըմբշամարտի մրցաշարում Արսեն Հարությունյանը (57 կգ) և Վազգեն Թևանյանը (65 կգ) պարտվել էին մեկնարկային գոտեմարտերում:

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով