Սիրանուշ Ղուկասյանը համալրեց շախմատի կանանց Հայաստանի հավաքականը

Հայաստանի շախմատի ակադեմիայում ավարտվեց  կանանց Հայաստանի հավաքականի ընտրական մրցաշարը, որին մասնակցում էր 4 շախմատիստուհի՝ Մարիա Կուրսովան, Մարիա Գևորգյանը, Սիրանուշ Ղուկասյանը և Մարիամ Մկրտչյանը, հաղորդում է Հայաստանի շախմատի ֆեդերացիայի մամուլի ծառայությունը (chessfed.am):

2 շրջանով անցկացված մրցաշարում հաղթող դարձավ Սիրանուշ Ղուկասյանը՝ նվաճելով հավաքականի ուղեգիր։ Նա 6 հնարավորից վաստակեց 4,5 միավոր: Մարիա Կուրսովան 3 միավորով գրավեց 2-րդ հորիզոնականը, Մարիամ Մկրտչյանը 2,5 միավորով դարձավ 3-րդը, իսկ Մարիա Գևորգյանը 2 միավորով գրավեց 4-րդ տեղը:

Հետևեք NEWS.am SPORT-ին Facebook-ում, Twitter և Telegram-ում