Խառը մենամարտերի UFC-ի թեթև քաշային կարգում չեմպիոն, ռուսաստանցի Խաբիբ Նուրմագոմեդովը պատոնապես հայտարարել է կարիերան ավարտելու մասին: UFC-ի նախագահ Դեյնա Ուայթի հետ զրույցից հետո 32-ամյա մարտիկը չի փոխել իր որոշումը:
«Սա լավ ընթրիք էր հրաշալի մարդկանց հետ: Դեյնա Ուայթ, մեծ շնորհակալություն, եղբայր: Շնորհակալ եմ նաև UFC-ի ամբողջ թիմին ինձ դրսևորվելու հնարավորության համար: Այդ մարզաձևի շնորհիվ դուք մեկընդմիշտ փոխեցիք կյանքս:
Դեյնա, ես երբեք չեմ մոռանա քո վերաբերմունքը: Հայրս չի մոռացել, որիդներս նույնպես կհիշեն քեզ: Այսօր իսկական զրույց էր իսկական տղամարդկանց միջև: Շնորհակալ եմ նաև ամբողջ թիմին, տնտեսական գործընկերներին ու բոլոր երկրպագուներին: Հուսով եմ՝ դուք կընդունեք իմ որոշումը և կհասկանաք ինձ»,- Ինստագրամում գրել է Խաբիբը:
Հիշեցնենք, որ 2020 թվականի հոկտեմբերի 24-ին Խաբիբ Նուրմագոմեդովն Աբու Դաբիում տիտղոսի պաշտպանության մենամարտ էր անցկացրել ամերիկացի Ջասթին Գետժիի հետ և հաղթանակից հետո հայտարարել կարիերան ավարտելու մասին: MMA-ում նա անցկացրել է 29 մենամարտ և տարել նույնքան հաղթանակ:
View this post on Instagram
Հետևեք NEWS.am SPORT-ին Facebook-ում, Twitter և Telegram-ում
23:01 , 2 նոյեմբերի 
22:02 , 2 նոյեմբերի 
21:10 , 2 նոյեմբերի 
20:15 , 2 նոյեմբերի 
19:08 , 2 նոյեմբերի 
18:04 , 2 նոյեմբերի 
17:07 , 2 նոյեմբերի 
16:16 , 2 նոյեմբերի 
15:27 , 2 նոյեմբերի 
15:11 , 2 նոյեմբերի 
