Ֆրանսիական ՊՍԺ-ի ղեկավարությունը մտադիր չէ բաժանվել Բրազիլիայի հավաքականի հարձակվող Նեյմարից:
L’Equipe-ի համաձայն՝ եթե ՊՍժ-ն ստիպված լինի անել դա, ապա 28-ամյա ֆուտբոլիստի տրանսֆերից ցանկանում է ստանալ նվազագույնը 100 միլիոն եվրո:
Այժմ ՊՍԺ-ն աշխատում է Նեյմարի հետ նոր պայմանագիր կնքելու ուղղությամբ: Նրա գործող պայմանագիրը նախատեսված է մինչև 2022-ի ամառ:
Հիշեցնենք, որ Նեյմարը 2017-ին կատալոնական «Բարսելոնայից» էր տեղափոխվել փարիզյան ակումբ, որը 222 միլիոն եվրոյով է իրականացրել տրանսֆերը:
Ֆրանսիայի ընթացիկ առաջնությունում բրազիլացին մասնակցել է 6 խաղի, դարձել 3 գոլի ու 3 գոլային փոխանցման հեղինակ:
Հետևեք NEWS.am SPORT-ին Facebook-ում, Twitter և Telegram-ում