19:10  +04,  4 օգոստոսի, 2020

Պեդրոն վիրահատության կենթարկվի

Լոնդոնի «Չելսիի» իսպանացի հարձակվող Պեդրո Ռոդրիգեսն օգոստոսի 4-ին վիրահատության կենթարկվի, հայտնում է Sky Sport Italia-ն:

33-ամյա հարձակվողը ուսի վնասվածք էր ստացել Անգլիայի գավաթի խաղարկության եզրափակիչի՝ «Արսենալի» դեմ խաղում:

Վիրահատության պատճառով Պեդրոն խաղադաշտից կբացակայի 1 ամիս և չի կարողանա օգնել «Չելսիին» Չեմպիոնների լիգայի 1/8 եզրափակիչի՝ «Բավարիայի» դեմ խաղում:

Ավելի վաղ Պեդրոն հայտարարել էր ընթացիկ մրցաշրջանի ավարտից հետո «Չելսիից» հեռանալու մասին: Ֆուտբոլիստի հետ բանակցություններ է վարում իտալական «Ռոման»:

Պեդրոն 2015-ին է «Բարսելոնայից» 27 միլիոն եվրոյով տեղափոխվել «Չելսի»։ Նշվում է, որ իսպանացի հարձակվողն արդեն համաձայնության է եկել իտալական «Ռոմայի» հետ և կարիերան կշարունակի Ա Սերիայում:

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Հարցում
Քվեարկել են (13)
  • Ֆեյսբուք
  • NEWS.am Sport Exclusive
  • Արխիվ