Խառը մենամարտերի թեթև քաշային կարգում UFC չեմպիոն, ռուսաստանցի Խաբիբ Նուրմագոմեդովն Ինստագրամի իր պաշտոնական էջի միջոցով իր երկրպագուներին տեղեկացրել է, որ ամերիկացի Տոնի Ֆերգյուսոնի հետ մենամարտը տեղի չի ունենա:
«Երկրում հայտարարված է կարանտին, ես նստած եմ տանը և կարդում եմ մարդկանց արձագանքներն իմ առաջիկա մենամարտը չեղարկելու հնարավորության հետ կապված: Փաստորեն, երկրների ղեկավարներն ու հայտնի մարդիկ բոլորին կոչ են անում մնալ տանը և հոգ տանել առողջության մասին, իսկ Խաբիբը պետք է լքի Ռուսաստանը, մեկնի չգիտենք էլ, թե որ երկիր և մենամարտի Ֆերգյուսոնի հետ: Այդպիսի բան չի կարող լինել: Մենամարտը տեղի չի ունենա:
Հասկանում եմ ձեր հիասթափությունը, քանի որ բոլորն էին սպասում այս մենամարտին: Ինչպես բոլորի մոտ, իմ ծրագրերն էլ կորոնավիրուսի պատճառով չիրականացան:
Հոգ տարեք ձեր և ձեր հազատների մասին: Առողջությունն ամենակարևորն է»,- գրել է Նուրմագոմեդովը:
Հիշեցնենք, որ Խաբիբ Նուրմագոմեդովի և Տոնի Ֆերգյուսոնի մենամարտը չեղարկվում է արդեն 5-րդ անգամ: Մենամարտը նախատեսված էր անցկացնել ապրիլի 18-ին՝ Լաս Վեգասում:
Հետևեք NEWS.am SPORT-ին Facebook-ում, Twitter և Telegram-ում
13:45 , 26 ապրիլի 
12:22 , 26 ապրիլի 
11:14 , 26 ապրիլի 
10:56 , 26 ապրիլի 
10:05 , 26 ապրիլի 
09:41 , 26 ապրիլի 
09:04 , 26 ապրիլի 
01:10 , 26 ապրիլի 
00:57 , 26 ապրիլի 
00:32 , 26 ապրիլի 
