Դիեգո Կոստայի վերադարձը խաղադաշտ սպասվում է «Լիվերպուլի» դեմ խաղում

Մադրիդի «Աթլետիկոյի» ու Իսպանիայի ազգային հավաքականի հարձակվող Դիեգո Կոստան ապաքինվել է վնասվածքից և մարզվում է ընդհանուր խմբում, տեղեկացնում է AS-ը:

31-ամյա Դիեգո Կոստան, ամենայն հավանականությամբ, խաղադաշտ կվերադառնա Չեմպիոնների լիգայի 1/8 եզրափակիչի «Լիվերպուլի» դեմ առաջին խաղում:

Ծագումով բրազիլացի հարձակվողը վերջին անգամ խաղադաշտ է դուրս եկել նոյեմբերի 10-ին:

Ընթացիկ մրցաշրջանում Կոստան «Աթլետիկոյի» կազմում 15 խաղում դարձել է 2 գոլի ու 2 գոլային փոխանցման հեղինակ:

«Աթլետիկո Մադրիդ» - «Լիվերպուլ» հանդիպումը տեղի կունենա փետրվարի 18-ին Մադրիդում:

Հետևեք NEWS.am SPORT-ին Facebook-ում, Twitter և Telegram-ում