Անգլիական «Մանչեսթեր Յունայթեդի» գլխավոր մարզիչ Ուլե-Գունար Սուլշերը չի հեռացվի զբաղեցրած պաշտոնից, տեղեկացնում է Sky Sports-ը:
«Մանչեսթեր Յունայթեդի» ղեկավարությունը, չնայած Պրեմյեր լիգայի 24-րդ տուրում «Բարնլիից» կրած պարտությանը, գոհ է Սուլշերի աշխատանքից:
«Բարնլիի» հետ խաղին հաջորդած մամուլի ասուլիսի ընթացքում նորվեգացի մասնագետը հայտարարել էր, որ «Մանչեսթեր Յունայթեդին» նոր ֆուտբոլիստներ են անհրաժեշտ:
Նշենք, որ Պրեմյեր լիգայի մրցաշարային աղյուսակում «Մանչեսթեր Յունայթեդը» 34 միավորով 5-րդ տեղում է:
Հետևեք NEWS.am SPORT-ին Facebook-ում, Twitter և Telegram-ում