Անգլիայի առաջնության 16-րդ տուրում «Նորվիչի» նկատմամբ 2։1 հաշվով հաղթանակի շնորհիվ «Շեֆիլդ Յունայթեդը» կրկնել է 120 տարվա վաղեմության ակումբային ռեկորդը։
Կրիս Ուայլդերի գլխավորած թիմը 8 անընդմեջ արտագնա հանդիպումներում պարտություն չի կրել՝ 2 հաղթանակ, 6 ոչ ոքի։
Նախորդ անգամ «Շեֆիլդ Յունայթեդն» այսպիսի շարք ունեցել էր 1899-1900 թվականների մրցաշրջանում, հաղորդում է Պրեմյեր լիգայի մամուլի ծառայությունը։
Դեռ անցած մրցաշրջանում Չեմպիոնշիփը ներկայացրած ակումբը Պրեմյեր լիգայի 16 տուրից հետո 22 միավորով 8-րդ տեղում է։
Հետևեք NEWS.am SPORT-ին Facebook-ում, Twitter և Telegram-ում