Խառը մենամարտերի թեթև քաշային կարգի չեմպիոն, ռուսաստանցի Խաբիբ Նուրմագոմեդովն ընդունել է իռլանդացի մարզիկ Քոնոր Մաքգրեգորի մարտահրավերը:
«Եթե Քոնորը ցանկանում է մենամարտել, ես խնդիր չեմ տեսնում: Ես ոչինչ չունեմ ապացուցելու, սակայն ես հնարավորություն կտամ նրան:
Քոնորի հետ մենամարտը տեղի կունենա միայն Թոնի Ֆերգյուսոնի հետ մենամարտից հետո»,- Նուրմագոմեդովի խոսքը մեջբերում է Dailymail-ը:
Հիշեցնենք, որ խառը մենամարտերի թեթև քաշային կարգի նախկին չեմպիոն Քոնոր Մաքգրեգորը 2018 թվականի հոկտեմբերին պարտություն կրեց Խաբիբ Նուրմագոմեդովից:
Ավելի վաղ Խաբիբ Նուրմագոմեդովի հայրը հայտարարել էր, որ իր որդին ցանկանում է ամերիկացի Թոնի Ֆերգյուսոնի հետ մենամարտել այս տարվա դեկտեմբերին:
Հետևեք NEWS.am SPORT-ին Facebook-ում, Twitter և Telegram-ում