Հոլանդիայի հավաքականը դուրս եկավ ՈւԵՖԱ Ազգերի լիգայի եզրափակիչ։ Պորտուգալիայում ընթացող մրցաշարի կիսաեզրափակիչում Ռոնալդ Կումանի ղեկավարած Հոլանդիայի թիմը լրացուցիչ ժամանակում 3։1 հաշվով հաղթեց անգլիացիներին, որոնք հանդես են գալիս Գարեթ Սաութգեյթի գլխավորությամբ։
30-րդ րոպեին հոլանդացիների պաշտպան Մատեյս Դե Լիգտը գնդակը կորցնելուց հետո փորձեց այն սահանկումով խլել Մարկուս Ռեշֆորդից, սակայն խախտեց կանոնները սեփական տուգանային հրապարկում, եւ Ռեշֆորդը դիպուկ իրացրեց 11 մետրանոցը՝ գրավելով Յասպեր Սիլեսենի պաշտպանած դարպասը։
73-րդ րոպեին Դե Լիգտը խփեց պատասխան գոլը։ 10 րոպե անց Ջեսի Լինգարդի գոլը հոլանդացիների դարպասը չգրանցվեց VAR-ի օգնության արդյունքում։ Հիմնական ժամանակն ավարտվեց 1։1 հաշվով։
97-րդ րոպեին կիսապաշտպան Կվինսի Պրոմեսի հարվածից հետո սեփական դարպասը գրավեց անգլիացիների պաշտպան Կայլ Ուոքերը։
114-րդ րոպեին Կվինսի Պրոմեսը հաշիվը դարձրեց 3։1։
Հունիսի 9-ին կայանալիք եզրափակիչում Հոլանդիայի հավաքականը կմրցի պորտուգալացիների հետ, որոնք Կրիշտիանու Ռոնալդուի հեթ-տրիկի շնորհիվ 3։1 հաշվով հաղթել էին Շվեյցարիայի հավաքականին։
Նույն օրը Շվեյցարիան ու Անգլիան կվիճարկեն երրորդ տեղը։
ՈւԵՖԱ Ազգերի լիգա, կիսաեզրափակիչ
Հոլանդիա - Անգլիա՝ 3։1 (1։1), (տեսանյութ)
Մատեյս Դե Լիգտ, 73, Կայլ Ուոքեր, 97, ինքնագոլ, Կվինսի Պրոմես, 114 - Մարկուս Ռեշֆորդ, 32, 11մ
Netherlands in the driving seat. Just 15 mins remain
— UEFA Nations League (@UEFAEURO) June 6, 2019
Where in the world are you watching? #NationsLeague pic.twitter.com/yreSHrdEbf
R A S H
— UEFA Nations League (@UEFAEURO) June 6, 2019
Who's getting the next goal?#NationsLeague pic.twitter.com/Y3NhJ5Uah1
Հետևեք NEWS.am SPORT-ին Facebook-ում, Twitter և Telegram-ում