Հենրիխ Մխիթարյանը մարեց իր անվանական նամականիշը (ֆոտաշարք)

Ֆուտբոլի Հայաստանի ազգային հավաքականի առաջատար, Լոնդոնի «Արսենալի» կիսապաշտպան Հենրիխ Մխիթարյանը Ավանի ֆուտբոլային ակադեմիայում տեղի ունեցած միջոցառման ընթացքում մարել է «Հայփոստի» թողարկած իր անվանական նամականիշը։

450 դրամ անվանական արժեքով նամականիշը տպագրված է Կանադայի Lowe Martin Group տպագրատանը՝ 40 հազար տպաքանակով:  

Հայաստանի ազգային թիմը Արմեն Գյուլբուդաղյանցի գլխավորությամբ հունիսի 4-ից Ավանի ֆուտբոլային ակադեմիայում սկսել է մարզումային հավաքը՝ պատրաստվելով Եվրոպայի առաջնության ընտրական մրցաշարի առաջիկա երկու հանդիպումներին։

Հունիսի 8-ին Հայաստանի հավաքականը կընդունի Լիխտեյնշտեյնի, հունիսի 11-ին Աթենքում կմրցի Հունաստանի թիմի հետ:

Ֆոտո՝ Էմմա Ասատրյան

Հետևեք NEWS.am SPORT-ին Facebook-ում, Twitter և Telegram-ում