Ֆուտբոլի Հայաստանի գավաթակիր Գյումրիի «Շիրակը» հաղթանակով մեկնարկեց Եվրոպայի լիգայի 2012/2013թթ. մրցաշարում:
Որակավորման առաջին փուլի առաջին խաղում գյումրեցիները նվազագույն հաշվով առավելության հասան Չեռնոգորիան (Մոնտենեգրո) ներկայացնող «Ռուդարի» նկատմամբ:
Նիկշիչիի «Գրադսկի» ստադիոնում կայացած հանդիպման միակ գնդակը 71-րդ րոպեին խփեց «Շիրակի» սենեգալցի կիսապաշտպան Լի Լամին Յորոն: «Շիրակի» կազմում դեղին քարտի արժանացան Լամին Յորոն, Տիգրան Դավթյանը, Կարեն Մուրադյանը, Ֆոֆանա Բեկոն ու Արմեն Տիգրանյանը:
Պատասխան հանդիպումը կկայանա հուլիսի 12-ին Գյումրիի քաղաքային ստադիոնում:
Եվրոպայի լիգա, որակավորման առաջին փուլ, առաջին հանդիպում
«Ռուդար» - «Շիրակ»՝ 0:1
Լի Լամին Յորո, 71
Հետևեք NEWS.am SPORT-ին Facebook-ում, Twitter և Telegram-ում