Մոսկվայի «Սպարտակի» սեփականատեր Լեոնիդ Ֆեդունը «Լոկոմոտիվի» դեմ Ռուսաստանի առաջնության 11-րդ տուրի խաղից հետո խոսել է նաեւ Հայաստանի հավաքականի հարձակվող Յուրա Մովսիսյանի մասին:
«Լոկոմոտիվն» ունեցավ մեկ պահ, որն ավարտեց գոլով: Պաշտպանությունում վատ չխաղացինք: Փորձեցինք զարմացնել մրցակցին՝ խաղալով առանց Ձյուբայի, ում վրա կառուցվում է մեր խաղը:
Շիրոկովը պատրաստ է 50-60 տոկոսով, սակայն նա դուրս եկավ խաղադաշտ եւ գոլ խփեց: Ռոմանը բարձրակարգ ֆուտբոլիստ է: Ցավոք, Ձյուբան զիջել է դիրքերը. դա տեսնում են բոլորը: Կանգնած խաղալով գոլեր չեն խփում: Իսկ Յուրա Մովսիսյանը դեռ պատրաստ չէ, այդ պատճառով ընտրեցինք այսպիսի տակտիկա:
Ինչ վերաբերում է Ձյուբային, ապա մենք պատրաստ ենք նրան առաջարկել բարձր աշխատավարձով նոր պայմանագիր: Սակայն Արտյոմը ցանկանում է ստանալ այնքան աշխատավարձ, որքան Հալկը՝ «Զենիթում», թեեւ նա չի խաղում բրազիլացու պես: Չեմ խոսի մանրամասների մասին: Միայն կասեմ, որ թե՛ մենք, թե՛ Ձյուբան ունենք փոխհամաձայնության գալու ցանկություն»,- Ֆեդունի խոսքը փոխանցում է «Սպորտ Էքսպրեսը»:
Հիշեցնենք, որ մոսկովյան դերբիում Յուրա Մովսիսյանը վնասվածքից հետո առաջին խաղն անցկացրեց այս մրցաշրջանում՝ փոխարինման դուրս գալով 71-րդ րոպեին:
Հետևեք NEWS.am SPORT-ին Facebook-ում, Twitter և Telegram-ում