Լոնդոնի «Չելսին» փորձել է ձեռք բերել կատալոնական «Բարսելոնայի» արգենտինացի հարձակվող Լիոնել Մեսիին, հայտնում է sport.es-ը:
27-ամյա Մեսիի տրանսֆերով շահագրգռված է եղել լոնդոնյան թիմի պորտուգալացի գլխավոր մարզիչ Ժոզե Մոուրինյոն, ով ակումբի սեփականատեր Ռոման Աբրամովիչին խնդրել է առաջարկ անել կատալոնական սուպերակումբին:
Մոուրինյոն եւ Աբրամովիչը փորձել են օգտվել նոր պայմանագրի հարցով Մեսիի եւ «Բարսելոնայի» միջեւ եղած տարաձայնությունից: «Չելսին» հարձակվողի տրանսֆերի համար պատրաստ է եղել վճարել 150 միլիոն եվրո:
Մեսին երկարաձգել է պայմանագիրը «Բարսելոնայի» հետ մինչեւ 2018 թվականը:
Հետևեք NEWS.am SPORT-ին Facebook-ում, Twitter և Telegram-ում