«Մանչեսթեր Սիթին» անգլիական Պրեմյեր լիգայի երկրորդ տուրի վերջին խաղում հաղթանակ տարավ փոխչեմպիոն «Լիվերպուլի» նկատմամբ։ Անգլիայի չեմպիոնը Մանչեսթերում հաղթեց 3։1 հաշվով։
Դուբլի հեղինակ է դարձել Չեռնոգորիայի հավաքականի հարձակվող Ստեւան Յովետիչը, մեկ անգամ աչքի է ընկել արգենտինացի Սերխիո Ագուերոն։ 83-րդ րոպեին արգենտինացի Պաբլո Սաբալետան դարձել է ինքնագոլի հեղինակ։
Երկրորդ տուրից հետո «Մանչեսթեր Սիթին» վաստակել է 6 միավոր, իսկ «Լիվերպուլն» ունի 3 միավոր։
Անգլիայի առաջնություն, երկրորդ տուր
«Մանչեսթեր Սիթի» - «Լիվերպուլ»՝ 3։1
Ստեւան Յովետիչ, 41, 55, Սերխիո Ագուերո, 69 - Պաբլո Սաբալետա, 83 (ինքնագոլ)
Հետևեք NEWS.am SPORT-ին Facebook-ում, Twitter և Telegram-ում