Հայաստանի հավաքականի հարձակվող Արթուր Սարկիսովը կարող է հեռանալ Նիժնի Նովգորոդի «Վոլգայից»: 27-ամյա ֆուտբոլիստը չէր հայտավորվել Սանկտ Պետերբուրգի «Դինամոյի» դեմ Ռուսաստանի առաջին դիվիզիոնի առաջնության 8-րդ տուրի խաղին: Հանդիպումից հետո «Վոլգայի» գլխավոր մարզիչ Անդրեյ Տալալաեւը նշել է, որ չհայտավորված ֆուտբոլիստները կարող են հեռանալ թիմից:
«Այս խաղին հայտավորվել էին սամանափակ քանակով ֆուտբոլիստներ: Մյուսները դուրս են հանվել մարզումային ընթացքից: Դա ակումբի ղեկավարության որոշումն է: Ճանր իրավիճակի պատճառով մի շարք ֆուտբոլիստների արվել են առաջարկներ եւ հիմա փնտրվում են փոխհամաձայնության կողմեր, որպեսզի ակումբը շարունակի գոյություն ունենալ»,- Տալալաեւի խոսքը մեջբերում է onedivision.ru-ն:
«Վոլգայի» հայազգի կիսապաշտպան Արթուր Մինոսյանը մեկնարկային կազմում մասնակցել է «Դինամոյի» դեմ խաղին, որն ավարտվել է 0:0 հաշվով:
Հետևեք NEWS.am SPORT-ին Facebook-ում, Twitter և Telegram-ում