Շախմատի տղամարդկանց Հայաստանի հավաքականը վստահ հաղթանակով մեկնարկեց Նորվեգիայի Տրոմսյո քաղաքում անցկացվող 41-րդ համաշխարհային շախմատային օլիմպիադայում: Առաջին տուրում Համաշխարհային օլիմպիադայի եռակի չեմպիոնն առանց թիմի առաջատար Լեւոն Արոնյանի 4:0 հաշվով պարտության մատնեց Ճապոնիայի թիմին, որի կազմում չկան գրոսմայստերներ:
Առաջին խաղատախտակի վրա խաղացած Գաբրիել Սարգսյանը եւ երրորդ համար Վլադիմիր Հակոբյանը հաղթեցին սպիտակներով, իսկ Սերգեյ Մովսեսյանը եւ Հայաստանի նորընծա չեմպիոն Տիգրան Քոթանջյանն առավելության հասան սեւերով:
Հիշեցնենք, որ առաջին տուրում հաղթանակ էր տարել նաեւ կանանց Հայաստանի հավաքականը, որը շանս չէր տվել Գվատեմալայի թիմին:
Օլիմպիադա-2014, առաջին տուր
Տղամարդիկ
Հայաստան - Ճապոնիա՝ 4:0
Գաբրիել Սարգսյան – Նանջո՝ 1:0 (հաղթանակ՝ 37-րդ քայլում)
Սերգեյ Մովսիսյան – Կոջիմա՝ 1:0 (հաղթանակ՝ 40-րդ քայլում)
Վլադիմիր Հակոբյան – Վատանաբե՝ 1:0 (հաղթանակ՝ 47-րդ քայլում)
Տիգրան Քոթանջյան – Ավերբուխ՝ 1:0 (հաղթանակ՝ 46-րդ քայլում)
Հետևեք NEWS.am SPORT-ին Facebook-ում, Twitter և Telegram-ում