Մեկնարկեց ֆուտբոլի Հայաստանի Բարձրագույն խմբի 2014/2015թթ. առաջնություն: Հայաստանի 23-րդ առաջնության առաջին տուրի մեկնարկային խաղում «Գանձասարը» Կապանում ընդունեց Երեւանի «Միկային» եւ կամային հաղթանակ տարավ 2:1 հաշվով:
Խաղի հաշիվը 26-րդ րոպեին բացեց Երեւանի «Միկայի» կիսապաշտպան Վարդգես Սաթումյանը: Քիչ անց Նարեկ Բեգլարյանը կարող էր կրկնապատկել հյուրերի առավելությունը, սակայն վրիպեց 11 մետրանոցից՝ չկարողանալով գրավել իր նախկին թիմի դարպասը:
Ընդմիջումից հետո «Գանձասարը» 3 րոպեում խփեց 2 գոլ՝ առաջ անցնելով հաշվի մեջ: 53-րդ րոպեին հաշիվը հավասարեցրեց Գեղամ Հարությունյանը, իսկ քիչ անց Հայրապետ Ավագյանը խփեց կապանցիների հաղթական գոլը:
Հիշեցնենք, որ առաջին տուրի «Փյունիկ» - «Ուլիս» եւ «Շիրակ» - «Բանանց» հանդիպումները հետաձգվել են Հայաստանի մինչեւ 21 տարեկանների հավաքականի հավաքի պատճառով: «Ալաշկերտը» օգոստոսի 3-ին կընդունի «Արարատին»:
Հայաստանի Բարձրագույն խումբ, առաջին տուր
«Գանձասար» - «Միկա»՝ 2:1
Գեղամ Հարությունյան, 53, Հայրապետ Ավագյան, 56 – Վարդգես Սաթումյան, 26
Հետևեք NEWS.am SPORT-ին Facebook-ում, Twitter և Telegram-ում