24-ամյա կիսապաշտպան Արսեն Հովհաննիսյանը երեք տարվա պայմանագիր է կնքել Եկատերինբուրգի «Ուրալի» հետ: Հայ ֆուտբոլիստը ծնվել է Կալուգայում: Պրոֆեսիոնալ հարթությունում Արսեն Հովհաննիսյանի առաջին ակումբը եղել է «Խիմկին», որի կազմում 2010 թվականին անցկացրել է 6 հանդիպում Ռուսաստանի առաջին դիվիզիոնում: Հետագայում նա վերադարձել է «Կալուգա», որը հանդես է գալիս երկրորդ դիվիզիոնում: «Կալուգայում» Արսեն Հովհաննիսյանն անցկացրել է 104 հանդիպում եւ խփել է 15 գնդակ, գրում է «Ուրալի» կայքը:
Հիշեցնենք, որ «Ուրալում» է հանդես գալիս նաեւ Հայաստանի հավաքականի հարձակվող Էդգար Մանուչարյանը:
Հետևեք NEWS.am SPORT-ին Facebook-ում, Twitter և Telegram-ում