«Բայերը» հաղթեց «Այնտրախտին» եւ ամրապնդվեց առաջին տեղում (տեսանյութ)

Գերմանիայի առաջնության 15-րդ տուրում առաջատար «Բայերը» Լեւերկուզենում ընդունեց Ֆրանկֆուրտի «Այնտրախտին», որն անցած տուրում 5:1 հաշվով հաղթել էր չեմպիոն Մյունխենի «Բավարիային»։ Իսպանացի Խաբի Ալոնսոյի գլխավորած թիմը հաղթեց 3:0 հաշվով։

«Բայերից» աչքի ընկան նիգերիացի հարձակվող Վիկտոր Բոնիֆասեն (տեսանյութ), հոլանդացի պաշտպան Ժերեմի Ֆրիմպոնգը (տեսանյութ) եւ գերմանացի կիսապաշտպան Ֆլորիան Վիրցը (տեսանյութ)։

«Բաեյրը» 39 միավորով գլխավորում է մրցաշարային աղյուսակը եւ 7 միավոր առաջ է երկրորդ տեղում գտնվող չեմպիոն «Բավարիայից», որը 2 հանդիպում քիչ է անցկացրել։ «Այնտրախտը» 8-րդն է՝ 21 միավոր։

Գերմանիայի առաջնություն, 15-րդ տուր

«Բայեր» - «Այնտրախտ Ֆրանկֆուրտ»՝ 3:0 

Վիկտոր Բոնիֆասե, 14, Ժերեմի Ֆրիմպոնգ, 51, Ֆլորիան Վիրց, 57

«Բավարիա» - «Շտուտգարտ»՝ 22:30 (Երեւանի ժամանակ)

Հետևեք NEWS.am SPORT-ին Facebook-ում, Twitter և Telegram-ում