Ձեռքերից եւ ոտքերից զրկված ֆրանսիացի Ֆիլիպ Կրուազոնը լողալով հաղթահարել է հինգ մայրցամաքները միացնող ջրերը` խորհրդանշելով համամոլորակային միասնություն, հաղորդում է BBC-ն:
Պրոթեզներին ամրացրած լաստերի օգնությամբ Ֆիլիպ Կրուազոնը լողալով անցել է Ասիան ու Ամերիկան միացնող Բերինգի նեղուցը` ամերիկյան Փոքր Դիոմիդ կղզուց մինչեւ ռուսական Մեծ Դիոմիդ կղզին, Պապուա Նոր Գվինեայից հասել է Ինդոնեզիա, Կարմիր ծովով` Ասիայից Աֆրիկա եւ Ջիբրալթարի նեղուցով` Աֆրիկայից Եվրոպա:
Ֆիլիպ Կրուազոնը ոտքերից եւ ձեռքերից զրկվել է 1994 թվականին, երբ սեփական տան տանիքում ալեհավաքն ամրացնելիս ստացել է բարձր լարման հոսանքի հարված:
Հետևեք NEWS.am SPORT-ին Facebook-ում, Twitter և Telegram-ում