«Մանչեսթեր Սիթին» դուրս եկան Անգլիական լիգայի գավաթի խաղարկության եզրափակիչ: Կատալոնացի Խոսեպ Գվարդիոլայի գլխավորած թիմը կիսաեզրափակիչի պատասխան խաղում «Բարտոն Ալբիոնին» հաղթեց նվազագույն հաշվով: Միակ գոլը խփեց արգենտինացի հարձակվող Սերխիո Ագուերոն:
Առաջին խաղում «Մանչեսթեր Սիթին» տանն առավելության էր հասել 9:0 հաշվով:
Եզրափակիչի երկրորդ ուղեգիրը վիճարկում են «Չելսին» ու «Տոտենհեմը», որոնց առաջին խաղում 1:0 հաշվով հաղթել է «Տոտենհեմը»: Պատասխան հանդիպումը տեղի կունենա հունվարի 24-ին:
Անգլիական լիգայի գավաթ, կիսաեզրափակիչ, պատասխան խաղ
«Բարտոն Ալբիոն» - «Մանչեսթեր Սիթի»՝ 0:1 (տեսանյութ)
Սերխիո Ագուերո, 26
Հետևեք NEWS.am SPORT-ին Facebook-ում, Twitter և Telegram-ում