Շոտլանդական «Գլազգո Ռեյնջերսի» գլխավոր մարզիչ Ստիվեն Ջերարդը նշել է «Ոսկե գնդակի» ֆավորիտների իր տարբերակը: Անգլիայի հավաքականի եւ «Լիվերպուլի» նախկին կիսապաշտպանը թեկնածուների թվում չի նշել Մադրիդի «Ռեալի» կիսապաշտպան Լուկա Մոդրիչին, որն այս տարի Խորվաթիայի հավաքականի հետ նվաճել էր աշխարհի փոխչեմպիոնի կոչումը:
«Կարծում եմ՝ «Ոսկե գնդակին» պետք է արժանանա աշխարհի չեմպիոն, որը նույնիսկ կայուն բարձր մակարդակի խաղ չի ցուցադրել ամբողջ մրցաշրջանի ընթացքում: Այդ պատճառով ֆավորիտ եմ համարում ֆրանսիացիներին՝ Անտուան Գրիզմանին կամ Կիլիան Մբապեին: Սակայն երբեք պետք չէ մոռանալ նաեւ Կրիշտիանու Ռոնալդուին ու Լիոնել Մեսիին: «Ոսկե գնդակը» պետք է բաժին հասնի այդ 4 խաղացողներից մեկին»,- անգլիացու խոսքը մեջբերում է RMC Sport-ը:
Հիշեցնենք, որ ավելի վաղ Մոդրիչը տարվա լավագույն ֆուտբոլիստ էր ճանաչվել ՖԻՖԱ-ի վարկածով:
Հետևեք NEWS.am SPORT-ին Facebook-ում, Twitter և Telegram-ում