23:25  +04,  13 հոկտեմբերի, 2018

Մարկոս Պիզելի. Ամոթ է, շատ վատ էր, չգիտեմ՝ ինչ ասել

Հայաստանի հավաքականի եւ Ղազախստանի «Ակտոբեի» կիսապաշտպան Մարկոս Պիզելին Ազգերի լիգայի խմբային փուլի երրորդ տուրում Ջիբրալթարի հավաքականից կրած պարտությունից հետո մեկնաբանել է տեղի ունեցածը:

«Ամոթ է, շատ վատ էր, չգիտեմ՝ ինչ ասել, պետք է մոռանանք եւ պատրաստվենք հաջորդ խաղին: Այսօր ոչինչ չստացվեց: Քանի անգամ գոլային պահ չիրացրինք: Մենք շանսեր ունեինք: Այսօր ոչ մի գնդակ չմտավ: Պետք է աշխատեմ հաջորդ խաղի համար»,- ասել է Մարկոս Պիզելի:

Հիշեցնենք, որ Հայաստանի թիմը ՖԻՖԱ-ի դասակարգման աղյուսակում 198-րդ տեղը զբաղեցնող Ջիբրալթարին պարտվել է 0:1 հաշվով եւ խմբում զբաղեցնում է նախավերջին տեղը՝ 3 միավոր: Նույնքան միավոր ունի նաեւ Ջիբրալթարը, որը գոլերի տարբերությամբ է վերջինը:

Հոկտեմբերի 16-ին Հայաստանի հավաքականը կընդունի խմբի առաջատար Մակեդոնիայի թիմին:

Սամվել Սուքիասյան

Ֆոտո՝ Էմմա Ասատրյան

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Այս թեմայով

  • Լրահոս