Լոնդոնի «Տոտենհեմի» նախկին գլխավոր մարզիչ Հարի Ռեդնապը մեկնաբանել է «Մանչեսթեր Յունայթեդում» տիրող վիճակը Անգլիայի առաջնության երկրորդ տուրում «Բրայթոնից» 2:3 հաշվով կրած պարտությունից հետո:
«Ես չտեսա միասնություն «Մանչեսթեր Յունայթեդում»: «Չելսիում» Մաուրիցիո Սարիի երկու շաբաթվա աշխատանքից հետո խաղաոճն ավելի հստակ է, քան «Մանչեսթեր Յունայթեդում»:
Ակնհայտ է, որ խաղացողները չեն արձագանքում Մոուրինյոյի խոսքերին: Ես տպավորություն ունեմ, որ ֆուտբոլիստները հոգնել են Մոուրինյոյից եւ նրա մշտական ցասումից»,- Ռեդնապի խոսքը մեջբերում է Daily Mail-ը:
Բրիտանական մամուլը բազմիցս գրել է, որ պորտուգալացի մարզիչը լարված հարաբերություններ ունի թիմի ֆրանսիացի կիսապաշտպան Պոլ Պոգբայի հետ:
Հետևեք NEWS.am SPORT-ին Facebook-ում, Twitter և Telegram-ում