CIES Football Observatory հետազոտական կենտրոնը կազմել է Եվրոպայի թոփ-5 առաջնությունների (Անգլիա, Իսպանիա, Գերմանիա, Իտալիա, Ֆրանսիա) ամենաարդյունավետ խաղացողների ցուցակն այս մրցաշրջանում:
Ցուցակում տեղ են գտել այն խաղացողները, որոնք այս մրցաշրջանում դաշտում անցկացրել են նվազագույնը 1800 րոպե (20 հանդիպում): ՊՍԺ-ի բրազիլացի հարձակվող Նեյմարը բացակայում է, քանի որ նա վնասվածքի պատճառով այս մրցաշրջանում խաղացել է 1797 րոպե:
Ցուցակը գլխավորում է «Բարսելոնայի» արգենտինացի հարձակվող Լիոնել Մեսին, որի օգտակար գործողության գործակիցը կազմում է 92,12 միավոր: Երկրորդ տեղում է անգլիական «Մանչեսթեր Սիթիի» իսպանացի կիսապաշտպան Դավիդ Սիլվան (91,69), իսկ եռյակը եզրափակում է Թուրինի «Յուվենտուսի» արգենտինացի հարձակվող Պաուլո Դիբալան (91,37): Մադրիդի «Ռեալի» պորտուգալացի հարձակվող Կրիշտիանու Ռոնալդուն հայտնվել է 16-րդ տեղում (88,58):
Հետևեք NEWS.am SPORT-ին Facebook-ում, Twitter և Telegram-ում