Կիպրոսում մարզումային հավաք անցկացնող «Գանձասար-Կապանը» վերջին ստուգողական խաղում մրցեց ռուսական «Ուրալի» հետ: Գրանցվեց ոչ ոքի՝ 0:0: Առաջին խաղակեսում կապանյան թիմի կազմից չի կարողացել 11 մետրանոցն արդյունավետ իրացնել Արա Խաչատրյանը: Եկատերինբուրգի թիմի կազմում հանդիպմանը մասնակցել է նաեւ Հայաստանի հավաքականի ֆուտբոլիստ Վարազդատ Հարոյանը:
Հիշեցնենք, որ Կիպրոսում «Գանձասար-Կապանը» խաղացել էր նաեւ շվեյցարական «Սիերեի» հետ եւ առավելության հասել 7:1 հաշվով, իսկ լեհական «Ռուխին» պարտության էր մատնել 2:1 հաշվով:
Հետևեք NEWS.am SPORT-ին Facebook-ում, Twitter և Telegram-ում