Միշել Տեր-Զաքարյան. Երբ ՊՍԺ-ի, «Մարսելի», «Մոնակոյի» կամ «Լիոնի» ֆուտբոլիստները «լացում» են, մրցավարը նշանակում է 11 մետրանոց

Ֆրանսիական «Մոնպելյեի» գլխավոր մարզիչ, Հայաստանի հավաքականի նախկին պաշտպան Միշել Տեր-Զաքարյանը «Լիոնի» դեմ Ֆրանսիայի գավաթի խաղարկության 1/8 եզրափակիչի հանդիպումից հետո դժգոհել է մրցավարությունից: «Լիոնը» հաղթել է 2:1 հաշվով՝ երկրորդ գոլը խփելով 11 մետրանոցից:

«Այսպիսի խաղով մենք պետք է «Լիոնին» չպարտվեինք: Մենք մրցակցին երկու գոլ նվիրեցինք: 11 մետրանոցի մասին կասեմ, որ մեծ ակումբները հաճախ են ստանում արհեստական առավելություն: Երբ ՊՍԺ-ի, «Մարսելի», «Մոնակոյի» կամ «Լիոնի» ֆուտբոլիստները «լացում» են, մրցավարը նշանակում է 11 մետրանոց: Մեր օգտին այս մրցաշրջանում դեռ չեն նշանակել 11 մետրանոց: «Լիոնի» դեմ խաղում մենք չօգտագործեցինք մեր հնարավորությունները»,- 54-ամյա մասնագետի խոսքը մեջբերում է L’Equipe-ը:

Ֆրանսիայի առաջնության 24 տուրից հետո «Մոնպելյեն» 6-րդ տեղում է:

Ֆոտո՝ twitter.com/MontpellierHSC

Հետևեք NEWS.am SPORT-ին Facebook-ում, Twitter և Telegram-ում