Արսեն Պապիկյան. «Գանձասար-Կապանը» լավ տպավորություն թողեց

Երեւանում մարզումային հավաքը շարունակող ռուսական «Արմավիրի» գլխավոր մարզիչ Արսեն Պապիկյանը մեկնաբանել է ստուգողական խաղում նվազագույն հաշվով տարած հաղթանակը «Գանձասար-Կապանի» նկատմամբ:

«Երկու կողմից էլ լավ որակի ֆուտբոլ էր: «Գանձասար-Կապանը» շատ լավ տպավորություն թողեց: Մենք դիտել էինք նրանց մասնակցությամբ հանդիպումների տեսագրություններ: Լավ մակարադակի խաղացողներով թիմ է: Կարծում եմ՝ «Գանձասար-Կապանը» Ռուսաստանի առաջին դիվիզիոնի մակարդակի թիմ է: Խաղը երկու թիմերի համար էլ օգտակար էր»,- Պապիկյանի խոսքը մեջբերում է ռուսական ակումբի մամուլի ծառայությունը:

Հիշեցնենք, որ Ռուսաստանի երկրորդ դիվիզիոնի «Հարավ» գոտու մրցաշարի առաջին կեսից հետո «Արմավիրը» գլխավորում է մրցաշարային աղյուսակը:

Հետևեք NEWS.am SPORT-ին Facebook-ում, Twitter և Telegram-ում