Հայաստանի հավաքականի ավագ Հենրիխ Մխիթարյանն առաջին մարզումն է անցկացրել Լոնդոնի «Արսենալում»: Ֆրանսիացի Արսեն Վենգերի գլխավորած թիմը պատրաստվում է Անգլիական լիգայի գավաթի խաղարկության կիսաեզրափակիչի պատասխան հանդիպմանը Լոնդոնի «Չելսիի» դեմ: Խաղը տեղի կունենա հունվարի 25-ին «Արսենալի» խաղադաշտում: Առաջին հանդիպումն ավարտվել է 0:0 հաշվով:
Հիշեցնենք, որ 29-ամյա հայ ֆուտբոլիստը հունվարի 22-ին է երկարաժամկետ պայմանագիր կնքել «Արսենալի» հետ, որի պաշտոնական կայքում դեռ չկա նշված Մխիթարյանի խաղային համարը:
Հետևեք NEWS.am SPORT-ին Facebook-ում, Twitter և Telegram-ում