Դավիդ Յուրչենկոն կարմիր քարտ է ստացել «Լոկոմոտիվի» դեմ խաղից հետո

«Տոսնոյի» ռուսաստանցի դարպասապահ Դավիդ Յուրչենկոն Մոսկվայի «Լոկոմոտիվի» դեմ ֆուտբոլի Ռուսաստանի առաջնության տարեվերջյան 20-րդ տուրի խաղի վերջում կարմիր քարտ է ստացել մրցավարի հետ վիճելու համար: Հայկական արմատներ ունեցող 31-ամյա դարպասապահը հրաժարվել է լրագրողների հետ զրույցում մեկնաբանել այդ դրվագը:

«Ոչ, ներեցեք ինձ: Թող մրցավարը խոսի: Այսօր նա էր լավագույնը»,- Յուրչենկոյի խոսքը մեջբերում է «Советский спорт в Санкт-Петербурге»-ն:

Հիշեցնենք, որ այդ խաղում առաջատար «Լոկոմոտիվը» հաղթել էր 3:1 հաշվով եւ ձմեռային արձակուրդի մեկնել 2-3-րդ տեղերը բաժանող «Զենիթի» ու «Սպարտակի» նկատմամբ 8 միավորի առավելությամբ: Ռուսաստանի առաջնության ավարտին մնում է 10 տուր: Առաջնությունը կվերսկսվի 2018 թվականի մարտին:

Հետևեք NEWS.am SPORT-ին Facebook-ում, Twitter և Telegram-ում