«Նյու Յորք Սիթիի» իտալացի կիսապաշտպան Անդրեա Պիրլոն նոյեմբերի 6-ին անցկացրել է պրոֆեսիոնալ կարիերայի վերջին խաղը:
MLS-ի քառորդ եզրափակիչում «Նյու Յորք Սիթին» տանը 2:0 հաշվով հաղթել է «Կոլամբուսին», սակայն լքել է պայքարն առաջին խաղում 1:4 հաշվով կրած պարտության պատճառով:
Այդ խաղում 38-ամյա իտալացին փոխարինման է դուրս եկել 90-րդ րոպեին:
Ավելի վաղ Անդրեա Պիրլոն հայտարարել էր, որ ամերիկյան ակումբի հետ պայմանագրի ժամկետի լրանալուց հետո կավարտի կարիերան: Նրա գործող պայմանագիրն ավարտվում է այս տարվա դեկտեմբերին:
Հիշեցնենք, որ Պիրլոն 2015-ից է խաղում ԱՄՆ-ում: Ակումբային կարիերայի ընթացքում նա հանդես է եկել նաեւ իտալական «Բրեշիայում», «Ինտերում», «Ռեջինայում», «Միլանում» ու «Յուվենտուսում», 6 անգամ հաղթել է A Սերիայում եւ 2 անգամ Չեմպիոնների լիգայում: Իտալիայի ազգային հավաքականի կազմում կիսապաշտպանը 2002-2016-ն անցկացրել է 116 խաղ եւ դարձել 13 գոլի հեղինակ, իսկ 2006-ին հռչակվել է աշխարհի չեմպիոն:
NYCFC's elimination from the #MLSCupPlayoffs means Andrea Pirlo has played his last minutes of a stunning career.
— MLS UK Show (@MLSUKShow) November 6, 2017
Grazie Andrea.#NYCFC pic.twitter.com/FiJw17ePu7
Հետևեք NEWS.am SPORT-ին Facebook-ում, Twitter և Telegram-ում